တၢ်စးထီၣ်ကသံၣ်ကသီအခီၣ်ထံးခီၣ်ဘိ

English | Tiếng Việt | Español | Af Soomaali | Pусский | Lus Hmoob | አማርኛ

ကဘျံးပၤမိၢ်ပှၢ်- 3/6/24

လံာ်ကဘျံးပၤအံၤပာ်ဖျါဘၣ်ဃးတၢ်ဟ့ၣ်ကူၣ်လီၤဆီဒီးတၢ်နဲၣ်ကျဲတဖၣ်လၢအဆီၣ်ထွဲမၤစၢၤပှၤတဂၤဂၤဖဲအဝဲသ့ၣ်စးထီၣ်အီသးတဘၣ်လီၢ်ဘၣ်စးကသံၣ် မ့တမ့ၢ် ကသံၣ်ကသီကလုာ်အဂၤတခါခါန့ၣ်လီၤ.

တၢ်ဒုးသ့ၣ်ညါတၢ်အၢၣ်လီၤဟ့ၣ်ခွဲးအဂ့ၢ်

ပှၤရဲၣ်ကျဲၤမၤစၢၤ 245D-လံာ်အုၣ်သးကဘၣ်ဒိးန့ၢ်တၢ်ဟ့ၣ်စိဟ့ၣ်ကမီၤအတၢ်ကွဲးလၢပှၤတဂၤဂၤ မ့တမ့ၢ် အဝဲသ့ၣ်အခၢၣ်စး
တဂၤဂၤအအိၣ် (ဒ်တၢ်ပာ်ပနီၣ်လီၤဝဲဖဲ Minn. Stat. §245D.02, subd. 12 အပူၤအသိး) တချုးတၢ်ကျဲၤဟ့ၣ်လီၤကသံၣ်
ကသီ မ့တမ့ၢ် တၢ်ကူစါယါဘျါအခါန့ၣ်လီၤ. တၢ်လိၣ်ဘၣ်တၢ်အံၤလၢအပၣ်ဃုာ်ဖဲ Minn. Stat. §245D.05, subd. 2 အပူၤန့ၣ်လီၤ. လၢတၢ်ထၢဖှိၣ်ဃုာ်တၢ်ဟ့ၣ်စိဟ့ၣ်ကမီၤအတၢ်ကွဲးအဂီၢ်, ပှၤရဲၣ်ကျဲၤမၤစၢၤတၢ်ဖိကဘၣ်စူးကါ
တၢ်ပၢဆှၢရဲၣ်ကျဲၤကသံၣ်ကသီဒီးဂ့ၢ်ဂီၢ်အူတၢ်ကူစါဆူၣ်ချ့အတၢ်ဟ့ၣ်စိဟ့ၣ်ကမီၤ (.doc) မ့တမ့ၢ် လံာ်တီလံာ်မီလၢအဒံးသိးလိာ်သးန့ၣ်လီၤ.

ပှၤတဂၤဂၤ မ့တမ့ၢ် အဝဲသ့ၣ်အခၢၣ်စးတဂၤဂၤမ့ၢ်အိၣ်ဒီးတၢ်သံကွၢ်ဘၣ်ဃးကသံၣ်ကသီ, DHS အတၢ်ဟ့ၣ်ကူၣ်
ပာ်ပနီၣ်တဖၣ်လၢ 245D တၢ်မၤစၢၤအဂီၢ်ပှၤရဲၣ်ကျဲၤမၤစၢၤတၢ်ဖိမၤစၢၤဝဲဒၣ်ပှၤတဂၤဂၤလၢအကတဲသကိးဒီးပှၤမၤဘၣ်ဃး
ကသံၣ်ပီညါလၢအအိၣ်ဒီးတၢ်အုၣ်သးလၢအကြၢးဝဲကတၢၢ်လၢကတဲနၢ်ပၢၢ်ဘၣ်ဃးကသံၣ်ကသီအတၢ်လီၤဘၣ်ယိၣ်ဒီး
အတၢ်န့ၢ်ဘျုးတဖၣ်အဂ့ၢ်န့ၣ်လီၤ. တၢ်တဲသကိးဖဲပှၤရဲၣ်ကျဲၤမၤစၢၤတၢ်ဖိဒီးပှၤတဂၤဂၤအဘၢၣ်စၢၤ မ့တမ့ၢ် အဝဲသ့ၣ်အခၢၣ်စးတဂၤဂၤတၢ်ကဘၣ်မၤဝံၤဝဲဒၣ်အကျိၤအကျဲဖဲပှၤတဂၤဂၤနၢ်ပၢၢ်သ့န့ၣ်လီၤ.

တၢ်ဟ့ၣ်ကူၣ်လီၤဆီလၢတၢ်မၤဂ့ၤထီၣ်တၢ်နၢ်ပၢၢ်အဂီၢ်

လၢတၢ်မၤစၢၤပှၤတဂၤဂၤ မ့တမ့ၢ် အခၢၣ်စးလၢအကနၢ်ပၢၢ်ဝဲဒၣ်တၢ်ဂ့ၢ်တၢ်ကျိၤဘၣ်ဃးကသံၣ်ကသီ, 245D တၢ်မၤစၢၤအဂီၢ်ပှၤရဲၣ်ကျဲၤမၤစၢၤတၢ်ဖိကဘၣ်-

· စူးကါတၢ်ဆဲးကျိးတဲသကိးလၢတၢ်ကတိၤ, တၢ်ကွဲး မ့တမ့ၢ် တၢ်ထံၣ်လၢမဲာ်ဒီးကျိာ်ယိယိန့ၣ်လီၤ.

· စူးကါကျိာ်တၢ်ကတိၤကြၢးဝဲဘၣ်ဝဲဖဲတၢ်ဂ့ၢ်တၢ်ကျိၤတဖၣ်အပူၤန့ၣ်လီၤ.

· ပာ်ဖျါထီၣ်တၢ်ဂ့ၢ်တၢ်ကျိၤအိၣ်ဃုာ်ဒီးအဂီၤအခါဖဲကဲထီၣ်သးသ့ဒီးကဲဘျုးလၢပှၤတဂၤဂၤအဂီၢ်န့ၣ်လီၤ.

· စူးကါတၢ်ကလုၢ်အိၣ်ဖျါဃုာ်ဒီးအဂီၤဖဲမ့ၢ်အိၣ်အခါန့ၣ်လီၤ.

· ရဲၣ်ကျဲၤပာ်လီၤနီၢ်တဂၤတၢ်အိၣ်ဖှိၣ်လီၤဆီအကတီၢ်လၢပှၤတဂၤဂၤအဂီၢ်န့ၣ်လီၤ.

· ကျဲးစၢးတဲနၢ်ပၢၢ်တၢ်ဂ့ၢ်တၢ်ကျိၤလၢကျဲအကလုာ်ကလုာ်ဒိးသန့ၤထီၣ်သးဖဲတၢ်မနုၤလၢအမၤတၢ်အဂ့ၤကတၢၢ်လၢပှၤတဂၤဂၤအဂီၢ်န့ၣ်လီၤ.

တၢ်ဂ့ၢ်လိာ်သမၢကသံၣ်ကသီတဖၣ်

245D တၢ်မၤစၢၤအပှၤရဲၣ်ကျဲၤမၤစၢၤတၢ်ဖိရဲၣ်ကျဲၤလီၤဝဲဒၣ်ကသံၣ်ကသီတသ့ဖဲလၢပှၤတဂၤဂၤ မ့တမ့ၢ် အဝဲသ့ၣ်
အခၢၣ်စးတဂၤဂၤမ့ၢ်ဂ့ၢ်လိာ်သမၢဝဲဒၣ်တၢ်ဟ့ၣ်စိဟ့ၣ်ကမီၤအဝဲန့ၣ် မ့တမ့ၢ် ဖဲပှၤတဂၤဂၤမ့ၢ်ဂ့ၢ်လိာ်သမၢ
ကအီကသံၣ်အဘျီဝဲန့ၣ်န့ၣ်လီၤ. ပှၤရဲၣ်ကျဲၤမၤစၢၤတၢ်ဖိကဘၣ်ပာ်ဖျါထီၣ်တၢ်ဂ့ၢ်လိာ်သမၢအဂ့ၢ်ဆူပှၤမၤဘၣ်ဃးက
သံၣ်ပီညါလၢအအိၣ်ဒီးတၢ်အုၣ်သးအအိၣ်လၢအဆိအချ့တသ့ဖဲအသ့န့ၣ်လီၤ.

တၢ်ရဲၣ်တၢ်ကျဲၤလၢပှၤတဂၤဂၤဂ့ၢ်လိာ်သမၢ မ့တမ့ၢ် တစူးကါကသံၣ်လၢတအိၣ်ဒီးတၢ်ပာ်လီၤသးအခါ

ဖဲအကြၢးဝဲဘၣ်ဝဲအခါ, 245D တၢ်မၤစၢၤအပှၤရဲၣ်ကျဲၤမၤစၢၤတၢ်ဖိကဘၣ်မၤသကိးဒီးပှၤမၤဘၣ်ဃး
ကသံၣ်ပီညါလၢအအိၣ်ဒီးတၢ်အုၣ်သး မ့တမ့ၢ် ပှၤအဂၤတဖၣ် (အဒိ, ပှၤကူစါယါဘျါတၢ်ဖိ, ပှၤပၢဆှၢကွၢ်ထွဲတၢ်မၤမူဒါခိၣ်လၢအပၢဆှၢရဲၣ်ကျဲၤလီၤဝဲဒၣ်အပှၤမၤတၢ်ဖိတၢ်ရဲၣ်လီၤအဆၢကတီၢ်တဖၣ်) လၢတၢ်ရဲၣ်ကျဲၤဝဲလၢတၢ်အိၣ်သးတဖၣ်အဂီၢ်ဖဲပှၤတဂၤဂၤအၢၣ်လီၤဟ့ၣ်ခွဲးလၢတၢ်ကစးထီၣ်ကသံၣ်ကသီအခီၣ်အဂီၢ်ဘၣ်ဆၣ်ဂ့ၢ်လိာ်သမၢဝဲလၢခံလၢလာ် မ့တမ့ၢ် တမၤဝဲလၢတၢ်ပၢဆှၢရဲၣ်ကျဲၤအဂီၢ်န့ၣ်လီၤ. အဒိ-

· ဘၣ်သ့ၣ်သ့ၣ်ပှၤတဂၤဂၤကလဲၤခီဖျိဘၣ်ဝဲတၢ်ကီတၢ်ခဲလၢအမၤလိနၢ်ပၢၢ်ဘၣ်ဃးကသံၣ်ကသီဒီး/မ့တမ့ၢ် တၢ်ကူစါယါဘျါအခါ (အဒိ, တၢ်နၢ်ပၢၢ်တၢ်ကူစါဆူၣ်ချ့ပီညါအဝီၢ်သြဲ, တအိၣ်ဒီးခွဲးယာ်လၢတၢ်မၤန့ၢ်
တၢ်ဂ့ၢ်တၢ်ကျိၤအသီ) န့ၣ်လီၤ. ဘၣ်သ့ၣ်သ့ၣ်အဝဲသ့ၣ်ထုးထီၣ်တၢ်ဂ့ၢ်တၢ်ကျိၤအခီပညီအကျဲ
ထဲတဘိဒီးဖဲန့ၣ်ဝံၤလၢခံလၢလာ်ဂ့ၢ်လိာ်သမၢတၢ်ပၢဆှၢရဲၣ်ကျဲၤဖဲတၢ်တမၤဝဲဒ်ကျဲလၢအမုၢ်လၢ်ပာ်ဝဲအသိးန့ၣ်လီၤ.

· ပှၤတဂၤဂၤဘၣ်သ့ၣ်သ့ၣ်ကလဲၤခီဖျိလုၢ်လၢ်သကဲာ်ပဝးအတၢ်ကီတၢ်ခဲတဖၣ် (အဒိ, အၢၣ်လီၤဟ့ၣ်ခွဲး
ဖဲအခီၣ်ထံးဘၣ်ဆၣ်လၢခံလၢလာ်ဒုၣ်တၢ်အီၣ်ဖဲတၢ်ဘူၣ်တၢ်ဘါအနံၤသဘျ့အနံၤတဘျီတခီၣ်အကတီၢ်)န့ၣ်လီၤ. ပှၤရဲၣ်ကျဲၤမၤစၢၤတၢ်ဖိကဘၣ်ဒုးအိၣ်ထီၣ်တၢ်ရဲၣ်တၢ်ကျဲၤလၢတၢ်မၤလီၤတံၢ်ဝဲဒၣ်ပှၤတဂၤဂၤအီအကသံၣ်ဃုာ်ဒီးတၢ်အီၣ်တၢ်အီဖဲအဆၢတီၢ်လီၤဆီလိာ်သးအခါသ့ဝဲအဂ့ၢ်န့ၣ်လီၤ.

· တၢ်ဖံးတၢ်မၤအခိၣ်ဃၢၤတၢ်အိၣ်သး မ့တမ့ၢ် ပှၤတဝၢတၢ်ဟူးတၢ်ဂဲၤအဂၤတဖၣ်ပာ်အိၣ်ဖျါထီၣ်ပှၤတဂၤဂၤအတၢ်လၤကပီၤဟးဂီၤအပနီၣ် မ့တမ့ၢ် တၢ်ဂ့ၢ်တၢ်ကျိၤကမၣ်န့ၣ်လီၤ.

· တၢ်ရဲၣ်လီၤကျဲၤလီၤဆၢကတီၢ်လၢအသဘံၣ်ဘုၣ်မၤကီမၤခဲဝဲဒၣ်ပှၤတဂၤဂၤအတၢ်အီကသံၣ်ကသီဖဲဆၢကတီၢ်လီၤဆီအခါသ့သ့ၣ်သ့ၣ်န့ၣ်လီၤ.

· တအိၣ်ဒီးခိၣ်နူာ်သးတၢ်ဆိကမိၣ်အတၢ်အိၣ်ဆူၣ်အိၣ်ချ့, တၢ်သ့ၣ်ညါပာ်ကဲလီၤသး မ့တမ့ၢ် နီၢ်ကစၢ်တၢ်ထံၣ်တခီတၢၤဘၣ်သ့ၣ်သ့ၣ်တြီဆၢပှၤတဂၤဂၤအတၢ်အီကသံၣ်ကသီဒ်ကသံၣ်လၢကသံၣ်သရၣ်နဲၣ်လီၤဝဲန့ၣ်လီၤ.

ဃုကွၢ်တၢ်ဂ့ၢ်တၢ်ကျိၤလၢတၢ်ဂ့ၢ်လိာ်သမၢအဂီၢ်

ဖဲပှၤတဂၤဂၤဂ့ၢ်လိာ်သမၢဝဲလၢအကစးထီၣ်အီကသံၣ်ကသီ မ့တမ့ၢ် ဒိးန့ၢ်တၢ်အီကသံၣ်ကသီအဘျီအခါ, မ့ၢ်တၢ်အရ့ဒိၣ်ဝဲလၢ 245D တၢ်မၤစၢၤအပှၤရဲၣ်ကျဲၤမၤစၢၤတၢ်ဖိကဃုသ့ၣ်ညါဝဲလၢဘၣ်မနုၤဃိပှၤတဂၤဂၤအဝဲန့ၣ်
ဆိမိၣ်ဒီးတူၢ်ဘၣ်တၢ်ဘၣ်ဃးဒီးတၢ်စူးကါကသံၣ်ကသီဒ်လဲၣ်အဂ့ၢ်န့ၣ်လီၤ. အဒိ-

· မ့ၢ်ပှၤတဂၤဂၤအီဝဲဒၣ်ကသံၣ်ကသီအဂၤတဖၣ်ဖဲအပူၤကွံာ်လၢအတမၤစၢၤအဝဲသ့ၣ်အဃိဧါ.

· မ့ၢ်ယူၢ်နုာ်လီၤကသံၣ်ကသီကီခဲအဃိဧါ.

· မ့ၢ်ကသံၣ်အရီၢ်ဘၣ်အီၤတမုာ်အဃိဧါ.

· မ့ၢ်ပှၤဝဲန့ၣ်တူၢ်ဘၣ်ကသံၣ်အတၢ်ဒိဘၣ်လၢတလိၣ်ဘၣ်ဝဲအဃိဧါ.

· မ့ၢ်ပှၤအဝဲန့ၣ်ကွၢ်ဆၢၣ်မဲာ်ဘၣ်ဝဲပှၤဂၤအတၢ်နံၤဘၣ်ဖဲ မ့တမ့ၢ် ပှၤဂၤအတၢ်ပာ်သးလၢအတြီဆၢအတၢ်အီကသံၣ်ကသီ မ့တမ့ၢ် သးတၢ်ဆူးတၢ်ဆါဧါ.

· မ့ၢ်ပှၤဝဲန့ၣ်အသးတဖှံဘၣ်ဃး “တၢ်အီသကိးဘံယၣ်ဒီးအတံၤသကိးတဖၣ်” ဖဲနွံကတၢၢ်တသ့မ့ၢ်လၢအဘၣ်အီကသံၣ်အသီအဃိဧါ.

· မ့ၢ်တၢ်ပာ်ပနီၣ်ကသံၣ်ကသီအဆၢကတီၢ်မၤတံာ်တာ်အတၢ်ဟူးတၢ်ဂဲၤအဂၤတဖၣ်ဒ်အမ့ၢ်တၢ်ဖံးတၢ်မၤ, တၢ်အိၣ်ဘှံးအဆၢကတီၢ် မ့တမ့ၢ် ဟါတၢ်အီၣ်အဃိဧါ.

မ့ၢ်တၢ်အရ့ဒိၣ်လၢ 245D တၢ်မၤစၢၤအပှၤရဲၣ်ကျဲၤမၤစၢၤတၢ်ဖိကနၢ်ပၢၢ်ဝဲဒၣ်ဘၣ်မနုၤဃိပှၤဝဲန့ၣ်တအဲၣ်ဒိးအီအကသံၣ်ကသီတဖၣ်လဲၣ်
အဂ့ၢ်ဒ်သိးအဝဲမၤစၢၤပှၤဝဲန့ၣ်အခွဲးယာ်ဒီးအတၢ်နာ်တဖၣ်ကသ့အဂီၢ်န့ၣ်လီၤ. ပှၤရဲၣ်ကျဲၤမၤစၢၤတၢ်ဖိကဘၣ်မၤသကိးဒီးပှၤဝဲန့ၣ်လၢတၢ်ဆီၣ်ထွဲမၤစၢၤအီၤလၢတၢ်ဒုးနဲၣ်ဖျါထီၣ်တၢ်ဆီတလဲလၢအဒုးအိၣ်ထီၣ်တၢ်ဖံးတၢ်မၤအတၢ်အိၣ်သးလၢပှၤဝဲန့ၣ်အဂီၢ်န့ၣ်လီၤ.

အဒိ- Joe ဆီတလဲနုာ်လီၤအိၣ်ဖဲဟံၣ်လၢအအိၣ်ဒီးပှၤရဲၣ်ကျဲၤမၤစၢၤတၢ်အိၣ်ဆိးလီၢ်အသီလၢအိၣ်ဒီးအတၢ်အုၣ်သး, ဒီးအဝဲဂ့ၢ်လိာ်သမၢအီအကသံၣ်တနီၤနီၤန့ၣ်လီၤ. အဝဲဘၣ်အီဝဲဒၣ်သးတဘၣ်လီၢ်ဘၣ်စးကသံၣ်လၢကသံၣ်သရၣ်
နဲၣ်လီၤတ့ၢ်အီၤဖဲအပူၤကွံာ်တဘျုးနံၣ်အခါန့ၣ်လီၤ. Joe အဟံၣ်ဖိဃီဖိလၢအမ့ၢ်ပှၤပာ်ဖျါထီၣ် Joe အတၢ်ဂ့ၢ်တၢ်ကျိၤ, တဲဘၣ်ပှၤရဲၣ်ကျဲၤမၤစၢၤတၢ်ဖိအသီလၢ Joe အိၣ်ဒီးတၢ်ကီတၢ်ခဲလၢတၢ်ယူၢ်နုာ်လီၤကသံၣ်ကသီတနီၤနီၤန့ၣ်လီၤ. သးတဘၣ်လီၢ်ဘၣ်စးကသံၣ်အကျါတခါအဖျၢၣ်ဒိၣ်, ကဝီၤကွီၤဒီးကတာ်ထီဖဲအကိာ်ယူၢ်ပူၤဖဲအကျဲးစၢးယူၢ်နုာ်လီၤဝဲအခါန့ၣ်လီၤ. ပှၤဘၣ်မူဘၣ်ဒါဂံာ်ဘျဲးဝဲဒၣ်ကသံၣ်အဝဲန့ၣ်လၢကမၤစၢၤ Joe အတၢ်ယူၢ်နုာ်လီၤန့ၢ်ဝဲအဂီၢ်, ဘၣ်ဆၣ် Joe တဘၣ်သး
ကသံၣ်ဝဲန့ၣ်အရီၢ်ဒိၣ်မးဖဲတၢ်ကတဲာ်ကတီၤန့ၢ်အီၤလၢကျဲဒ်န့ၣ်သိးဒၣ်လဲာ်န့ၣ်လီၤ. ဖဲပှၤဘၣ်မူဘၣ်ဒါအသီနၢ်ပၢၢ်ဝဲဒၣ်
ဘၣ်မနုၤဃိ Joe ပဒ့ၣ်အသးဒိၣ်မးလၢတၢ်အီဝဲဒၣ်အကသံၣ်အခါ, အဝဲသ့ၣ်ဆဲးကျိးတဲဘၣ်
ပှၤမၤဘၣ်ဃးကသံၣ်ပီညါလၢအအိၣ်ဒီးတၢ်အုၣ်သးန့ၣ်လီၤ. ပှၤမၤဘၣ်ဃး
ကသံၣ်ပီညါလၢအအိၣ်ဒီးတၢ်အုၣ်သးဆီတလဲဝဲဒၣ်တၢ်အီကသံၣ်အဘျီဒ်သိး Joe အီဘၣ်ဝဲအဖျၢၣ်ဆံး
လီၤတဘျုးဖျၢၣ်ဒီးညီဒိၣ်ထီၣ်လၢကယူၢ်နုာ်လီၤဘၣ်ဝဲဒီးအဝဲဒိးန့ၢ်ဒံးဝဲဒၣ်ကသံၣ်အဘျီတမံၤဃီလၢကရူၢ်ပှၤမၤတၢ်ဖိတယာ်လၢအကြၢးကတၢၢ်န့ၣ်လီၤ.

တၢ်မၤအါထီၣ်တၢ်မၤရဲၣ်ကျဲၤခိၣ်သ့ၣ်ဆူညါလၢတၢ်ဆီၣ်ထွဲမၤစၢၤပှၤလၢအစးထီၣ်အီကသံၣ်ကသီအခါ

လၢတၢ်ဆီၣ်ထွဲမၤစၢၤပှၤတဂၤဂၤအဂီၢ်, 245D တၢ်မၤစၢၤအပှၤရဲၣ်ကျဲၤမၤစၢၤတၢ်ဖိမၤသ့စ့ၢ်ကီးလၢ-

· တၢ်မၤလိနၢ်ပၢၢ်အါထီၣ်ဘၣ်ဃးတၢ်ဟ့ၣ်ကူၣ်ပာ်ပနီၣ်တၢ်ကူစါယါဘျါခီဖျိတၢ်စူးကါတၢ်ဂ့ၢ်တၢ်ကျိၤဖဲ လံာ်နဲၣ်ကျဲသးတဘၣ်လီၢ်ဘၣ်စးကသံၣ် – တၢ်လဲၤဝဲဒၣ်တၢ်သ့ၣ်နံၤဖးသီအဆၢကတီၢ်တဖၣ်အဂ့ၢ်.

· တၢ်ဃုသ့ၣ်ညါစဲးဖီကဟၣ်ပီညါလၢအဆီၣ်ထွဲမၤစၢၤပှၤဝဲန့ၣ်ခီဖျိတၢ်စူးကါတၢ်ဂ့ၢ်တၢ်ကျိၤဖဲ လံာ်နဲၣ်ကျဲသးတဘၣ်လီၢ်ဘၣ်စးကသံၣ်အပူၤ – တၢ်စူးကါစဲးဖီကဟၣ်ပီညါလၢအဆီၣ်ထွဲမၤစၢၤပှၤလၢအိၣ်ဒီးကသံၣ်ကသီတဖၣ်ဒီးဘၣ်ထွဲဒီးတၢ်အိၣ်ဆူၣ်အိၣ်ချ့အတၢ်လိၣ်အဂၤတဖၣ်န့ၣ်လီၤ.

· တၢ်ဆၢတဲာ်မၤစၢၤပှၤဝဲန့ၣ်အတၢ်လိၣ်တဖၣ်လၢအကရဲၣ်ကျဲၤစၢၤအကသံၣ်ကသီဖဲကျဲလၢအမၤလီၤတံၢ်ဝဲဒၣ်အဝဲအိၣ်ဒီးအစိကမီၤဒီးတၢ်ပၢဆှၢလီၤသးအဂီၢ်န့ၣ်လီၤ.

တၢ်တိစၢၤမၤစၢၤအါထီၣ်ဆူညါ

DHS ဒုးအိၣ်ထီၣ်လံာ်တကွီၣ်ဒိလၢလာ်အံၤလၢအမၤစၢၤဝဲဒၣ် 245D တၢ်မၤစၢၤအပှၤရဲၣ်ကျဲၤမၤစၢၤတၢ်ဖိတဖၣ်ကလူၤပိာ်မၤထွဲ Minn. Stat. Ch. 245D တၢ်လိၣ်တဖၣ်-

· Sample form: Health Needs Record (.doc).

· Sample form: Intensive Support Self-Management Assessment (.doc).

· Sample form: Medication and Treatment Administration Packet (.doc).

For more information, refer to:

Psychotropic Medication Manual
Psychotropic Medication Manual – Medications
Psychotropic Medication Manual – ကသံၣ်ကသီတဖၣ်လၢအဂ့ၤကတၢၢ်ကြၢးကတၢၢ်