Peev txheej: Tus txheej txheem tso nyob koom neej ua ke thiab cov kev xaiv txog kev txhawb nqa tsis tu ncua

English | Español | Af Soomaali | Pусский | ကညီ | Oromoo | አማርኛ

Lub page uas hloov tshiab: 1/20/22

Kev koom neej ua ke yog ib qhov kev npaj txog kev ua neej nyob raws kev sib txheeb uas ua tib zoo tso ib tug neeg loj uas muaj hnub nyoog 18 xyoo lossis siab dua uas muaj kev xiam oob qhab kom haum nrog ib tug neeg lossis ib tsev neeg uas yuav koom lawv lub neej thiab kev paub dhau los thiab txhawb nqa tus neeg ntawd uas siv cov kev coj uas yoog raws tus neeg.

"Tus tswv tsev," "kev ua neej sib koom" thiab "kev sib koom neej ua ke" yog txhua cov lus uas hais txog cov kev npaj txog kev ua neej nyob raws kev sib txheeb. Cov ntsiab lus no sib hloov pauv tau, tab sis DHS tau xaiv siv lo lus hais tias "kev koom neej ua ke" los mus piav qhia txog cov txheej txheem kev tso nyob ua ke thiab kev npaj ua neej nyob.

Tam sim no, kev koom neej ua ke tsis yog ib qho kev pab cuam uas zam pub raws cai. Lub page no muaj cov xov xwm hais txog qhov cov koom haum coj ua, cov kws kho mob thiab cov tib neeg/cov tsev neeg uas txaus siab rau yuav ua li cas thiaj tuaj yeem siv cov kev pab cuam zam pub raws kev xiam oob qhab uas twb yeej muaj lawm los tsim cov kev npaj txog kev koom neej ua ke.

Lub page no muab cov xov xwm hais txog:

· Cov kev sib txawv piv rau lwm cov kev npaj thiab kev pab cuam uas zoo sib thooj.

· Kev tsim nyog.

· Cov kws kho mob.

· Cov ntu sij hawm ntawm kev koom neej ua ke.

· Kev tso cai.

· Kev xaiv thiab kev cog lus nrog lub koom haum saib xyuas kev koom neej ua ke.

· Lwm cov kev xaiv txog txhawb nqa tsis tu ncua thiab vaj tsev tom qab tiav tus txheej txheem kev tso nyob ua ke.

· Cov piv txwv ntawm cov kev npaj txog kev koom neej ua ke.

· Cov Peev Txheej.

Kev koom neej ua ke sib txawv li cas piv rau lwm cov kev npaj thiab kev pab cuam uas zoo sib thooj?

Kev koom neej ua ke tso ib tug neeg loj uas muaj hnub nyoog 18 xyoo lossis siab dua uas muaj kev xiam oob qhab nrog ib tug neeg lossis ib tsev neeg twg uas yuav koom lawv lub neej, kev paub, kev sib txheeb thiab tsev nyob, thiab tseem yuav txhawb nqa tus neeg ntawd uas siv cov kev coj ua uas yoog raws tus neeg. Hauv qhov kev npaj no, tus neeg/tsev neeg uas yog tus tswv tsev lossis tus xauj lub tsev, thiab lub nroog/pab pawg neeg tau tso cai rau lub tsev.

Tus neeg/tsev neeg tsis tas yuav tsum tso npe ua tus kws kho mob ntawm cov Phiaj Xwm Kho Mob Hauv Minnesota (Minnesota Health Care Programs, MHCP) uas muaj daim ntawv tso cai 245D. Hloov chaw, tus neeg/tsev neeg ua haujlwm nrog lub koom haum saib xyuas kev koom neej ua ke uas muaj kev saib xyuas zoo ib yam ntawm qhov kev npaj thiab tswj hwm tag nrho txhua yam teeb teem kev ua raws ntawv tso cai 245D uas tshwj xeeb rau tus neeg qhov kev npaj txhawb nqa.

Yog hais tias tus neeg/tsev neeg xaiv los mus tso npe ua tus kws kho mob ntawm MHCP nrog daim ntawv tso cai 245D, qhov kev npaj yuav tsis suav tias yog ib qho kev npaj koom neej ua ke. Hloov chaw, qhov kev npaj yog xam tias yog kev pab saib xyuas ntawm tsev neeg. Yog xav paub ntxiv txog daim ntawv tso cai 245D, ces mus saib DHS – Kev Tso Cai rau cov kws kho mob 245D.

Qhov kev npaj koom neej ua ke xam muaj txog rau ob tug neeg loj uas siv cov kev pab cuam zam pub vim muaj kev xiam oob qhab thiab xaiv los nyob ua ke nrog ib tus neeg/tsev neeg uas tsis sib txheeb. Qhov kev npaj koom neej ua ke tsis tuaj yeem muaj txog coob tshaj ob tug neeg loj uas nyob rau hauv tib lub tsev. Lub koom haum coj ua yuav tsum soj ntsuam lub tsev kom paub tseeb tias nws tsis tshaj tus tswj ciam ob tug neeg loj. Yog xav paub ntau ntxiv, mus saib tshooj kev tsim nyog.

Leej twg tsim nyog rau kev koom neej ua ke?

Cov neeg loj hnub nyoog 18 xyoo lossis siab dua tuaj yeem tsim nyog yog ib feem ntawm kev koom neej ua ke yog tias lawv siv ib qho twg ntawm cov kev zam pub hauv qab no:

· Kev Raug Mob Ntawm Lub Hlwb (BI).

· Kev Cuag Tau Zej Zog Uas Xam Muaj Kev Xiam Oob Qhab (Community Access for Disability Inclusion, CADI).

· Kev Saib Xyuas Raws Kev Xaiv Hauv Zej Zog (Community Alternative Care, CAC).

· Kev Xiam Oob Qhab Fab Kev Loj Hlob (Developmental Disabilities, DD).

Qhov kev npaj koom neej ua ke tuaj yeem muaj txog ob tug neeg loj uas tau txais kev txhawb nqa uas xaiv qhov nyob ua ke nrog ib tus neeg/tsev neeg uas tsis sib txheeb. Qhov nov muaj:

· Ib tug neeg loj uas tsis muaj khub.

· Ob tug khub lossis ob tug phooj ywg.

· Ob tug kwv tij lossis viv ncaus uas yog neeg loj.

Yog tias muaj coob tshaj ob tug neeg koom nrog hauv ib qhov kev npaj, lossis yog tias ob tus neeg tsis muaj kev sib txheeb, cov khub lossis cov phooj ywg, lawv siv tsis tau qhov kev npaj koom neej ua ke. Lwm cov kev pab cuam tuaj yeem txhawb nqa coob dua ob tug neeg uas xaiv los nyob ua ke (piv txwv li, cov kev pab cuam ntawm cov neeg nyob hauv tsev neeg lossis cov kev pab cuam ntawm cov neeg nyob hauv zej zog).

Leej twg muab kev pab koom neej ua ke?

Cov kev npaj koom neej ua ke muaj xws li peb tus neeg tseem ceeb lossis peb lub koom haum nrog cov haujlwm, kev feem xyuam thiab cov luag haujlwm txhawb ntxiv:

· Tus neeg uas tau txais cov kev pab cuam zam pub vim kev xiam oob qhab thiab txaus siab rau kev muab tso nrog ib tug neeg/tsev neeg koom neej ua ke.

· Lub koom haum saib xyuas kev koom neej ua ke uas muab kev tso nyob ua ke, kev txhawb nqa tsis tu ncua thiab kev them nqi rau pawg neeg thib peb thiab yog tus kws kho mob uas muaj ntawv tso cai 245D.

· Tus neeg/tsev neeg uas muab kev txhawb nqa rau tus neeg uas nyob rau hauv tus neeg/tsev neeg ntawd lub tsev thiab muaj ib lub tsev uas muaj ntawv tso cai tsis pub coob tshaj ob tug neeg los ntawm lub nroog/haiv neeg me.

Cov kev cai ntawm lub koom haum saib xyuas kev koom neej ua ke

Tus neeg/tsev neeg xaiv lub koom haum saib xyuas kev koom neej ua ke nyob rau thaum pib tus txheej txheem kev tso nyob ua ke, hauv kev koom tes nrog tus neeg uas tau txais cov kev pab cuam. Ua ke ntawd, lawv sib tham txog ib qhov kev pom zoo lossis kev cog lus txog kev txhawb nqa uas lawv xav tau los ntawm lub koom haum saib xyuas kev koom neej ua ke. Yog xav tau, tus neeg/tsev neeg tuaj yeem xaiv tau ob lub koom haum saib xyuas kev koom neej ua ke: ib lub rau tus txheej txheem tso nyob ua ke thiab ib lub rau qhov kev txhawb nqa tsis tu ncua.

Ib lub koom haum saib xyuas kev koom neej ua ke yuav tsum ua kom tau raws txhua txoj cai xws li hauv qab no:

· Muaj daim ntawv tso cai 245D thiab raug tso npe nkag thiab tau txais kev tso cai los mus muab kev cob qhia thiab kev pab tswv yim rau tsev neeg thiab cov kev pab cuam chaw nyob nrog tsev neeg.

· Ua kom tiav qhov Kev Cob Qhia Uas Yuav Tsum Muaj Rau Cov Neeg Loj Uas Muaj Kev Pheej Hmoo Ntawm DHS (DHS Vulnerable Adults Mandated Training).

· Ua kom tiav qhov kev cob qhia txog kev xav yoog raws tus neeg uas siv sij hawm ob hnub nyob rau lub xyoo dhau los.
(Nco tseg: Yuav tsum muaj cov ntaub ntawv pov thawj txog kev ua tiav ua ntej them nqi rau cov kev pab cuam. Thaum muaj cov kev cob qhia yoog raws tus neeg, DHS yuav xa cov xov xwm mus raws cov kev tshaj tawm hauv eList ntawm DSD. Yog xav paub ntau ntxiv, mus saib DHS – Cov kev nqis tes ua uas yoog raws tus neeg.).

· Muaj daim ntawv tsav tsheb uas siv tau thiab ntawv tuav pov hwm tsheb yog tias thauj tus neeg.

· Tsis muaj nyiaj paj ncaj nraim lossis tsis ncaj nraim rau hauv lub tsev uas muaj tus neeg nyob.

· Tsis tso coob tshaj ob tug neeg uas tau txais cov kev pab cuam nrog tus neeg/tsev neeg.
(NCO TSEG: Feem ntau ntawm cov kev npaj txog kev koom neej ua ke yuav tso ib tug neeg nrog ib tug neeg/tsev neeg.).

· Pab tus neeg/tsev neeg nrog tus txheej txheem ntawm kev tso cai rau lub tsev nrog lub nroog/haiv neeg me.

· Tswj xyuas tus nqi txhua hnub ntawm cov kev pab cuam chaw nyob nrog tsev neeg rau tus neeg/tsev neeg los ntawm kev tau txais daim ntawv cog lus txog kev pab cuam los ntawm lub koom haum coj ua (saib tshooj ntawv hais txog kev tso cai).

Lub koom haum saib xyuas kev koom neej ua ke muab kev txhawb nqa raws kev cob qhia thiab kev pab tswv yim rau tsev neeg (txog ntawm kev tso nyob ua ke) thiab cov kev pab cuam chaw nyob nrog tsev neeg (ntawm kev txhawb nqa tsis tu ncua). Cov kev pab cuam no yog DHS cov kev pab cuam uas yuav tsum tau muaj kev tso npe nkag. Yog xav paub ntau ntxiv txog cov kev pab cuam uas yuav tsum tau tso npe nkag, mus saib CBSM – Txhua yam ntawm tus neeg pab cuam raws kev zam pub/AC.

Cov nyiaj them uas lub koom haum saib xyuas kev koom neej ua ke tau txais rau qhov kev txhawb nqa tsis tu ncua raws cov kev pab cuam chaw nyob nrog tsev neeg yog nyob ntawm cov kev xav tau ntawm tus neeg thiab tus neeg kheej/tsev neeg.

Cov kev cai txog ntawm tus neeg kheej/tsev neeg

Tus neeg kheej/tsev neeg uas faib lawv lub tsev rau nyob yuav tsum npaj txhij los mus nkag siab thiab kawm paub tej yam tseem ceeb rau tus neeg thiab txhawb nqa lawv uas siv cov kev coj ua uas zoo thiab muaj dag zog. Lawv yuav tsum koom chaw nyob thiab kev feem xyuam nrog tus neeg nyob rau txhua yam puag ncig uas zoo, kho kom zoo, tshwj xeeb tshaj yog tias tus neeg tau ntsib kev raug mob lossis muaj kev xiam oob qhab lossis tus cwj pwm yeeb yam uas yuav tsum muaj kev muab siab rau thiab sij hawm ntxiv.

Qhov xwm txheej ua neej nyob tsis yog ib qhov kev npaj txog kev koom neej ua ke yog tias tus neeg ntawd raug cais tawm ntawm tej dejnum hauv tsev neeg, xws li chaw nyob sib koom, zaub mov, hnub so haujlwm, kev phooj ywg lossis kev sib cuag nrog lwm tus neeg hauv tsev neeg lossis cov neeg nyob sib ze. Tus neeg/tsev neeg yuav tsum txhawb tus neeg los mus tswj lossis nthuav dav lawv pab pawg phooj ywg uas muab tej kev sib txheeb uas muaj nuj nqis rau tus neeg ntawd.

Tus neeg/tsev neeg ntawd yuav tsum ua kom tau raws li tag nrho cov kev cai raws qhov tsawg kawg nkaus hauv qab no:

· Tso cai rau lawv lub tsev raws li yog ib qho kev pab saib xyuas ntawm tsev neeg nrog lub nroog/haiv neeg me.

· Ua kom tiav tag nrho qhov kev cob qhia txog kev taw qhia neeg ua haujlwm thiab kev cob qhia ntawm 245D txhua xyoo, uas xam muaj Kev Cob Qhia Uas Yuav Tsum Muaj Rau Cov Neeg Loj Uas Muaj Kev Pheej Hmoo Ntawm DHS.
(NCO TSEG: Tus neeg kheej/tsev neeg tsis tas yuav muaj daim ntawv tso cai 245D, tab sis lawv kuj tseem yuav tsum ua kom tiav cov kev cob qhia no, nrog kev txhawb nqa los ntawm lub koom haum saib xyuas kev koom neej ua ke.).

· Ua kom tiav qhov kev cob qhia txog kev xav yoog raws tus neeg uas siv sij hawm ob hnub, thaum muaj.
(NCO TSEG: Thaum muaj cov kev cob qhia yoog raws tus neeg, DHS yuav xa cov xov xwm mus raws cov kev tshaj tawm hauv eList ntawm DSD. Yog xav paub ntau ntxiv, mus saib DHS – Cov kev nqis tes ua uas yoog raws tus neeg.).

· Koom nrog cov rooj sib tham ntawm pab pawg nrog tus neeg, lawv tus thawj tswj hwm case thiab lwm tus neeg uas tseem ceeb rau tus neeg ntawd.

Yuav kom tsim nyog rau qhov kev npaj txog kev koom neej ua ke, tus neeg kheej/ tsev neeg ntawd yuav tsum tau cog lus nrog lub koom haum saib xyuas kev koom neej ua ke, uas tuaj yeem yog ib qho twg ntawm ob qho hauv qab no:

· Lub koom haum saib xyuas kws kho mob uas tso npe nkag hauv MHCP uas muaj cov neeg ua haujlwm txog kev koom neej ua ke.

· Tus neeg kheej uas tau tso npe ua ib tug kws kho mob ntawm MHCP uas muaj ntawv tso cai 245D.

Yog xav paub ntau ntxiv, mus saib kev xaiv thiab cog lus nrog lub koom haum saib xyuas kev koom neej ua ke tshooj.

Kev koom neej ua ke xam muaj dab tsi?

Tag nrho cov kev npaj txog kev koom neej ua ke nyob yog tswj los ntawm tus neeg qhov kev pab txhawb nqa uas yoog raws tus neeg.

Kev koom neej ua ke muaj peb ntu sij hawm:

· Kev tso nyob ua ke thiab kev npaj rau qhov kev tsiv tsev.

· Kev txhawb nqa tsis tu ncua los ntawm lub koom haum saib xyuas kev koom neej ua ke.

· Kev txhawb nqa los ntawm tus neeg kheej/tsev neeg.

Kev tso nyob ua ke thiab kev npaj rau qhov kev tsiv tsev

Lub koom haum saib xyuas kev koom neej ua ke thiab lub koom haum coj ua pab ib tug txheej txheem los must so ib tug neeg nrog ib tug neeg kheej/tsev neeg raws li kev nyiam sib koom neej ua ke, kev txaus siab, cwj pwm ntiag tug, tej kev feem xyuam, tej kev sib pom zoo ua ke, kev sib txheeb, thiab lwm yam.

Tus txheej txheem kev tso nyob ua ke xam muaj cov rooj sib tham tim ntsej tim muag ntawm tus neeg ntawd thiab tus neeg kheej/tsev neeg. Cov rooj sib tham yuav tsum tshwm sim hauv ntau qhov chaw thiab mus raws li tus neeg tej kev txaus siab (xws li, kev mus koom kev sib tw kis las lossis koom txoos hauv zej zog, kev npaj pluas noj pluas haus ua ke, kev siv sijhawm ntu kawg lim tiam ntawm tsev neeg ntawd lub tsev). Lwm txoj hauv kev (piv txwv li, hu xov tooj tham sib pom) tuaj yeem siv rau tus txheej txheem kev tso nyob ua ke thaum muaj kev sib kis kab mob, raws li qhov tsim nyog thiab pom tau tias tsim nyog los ntawm txhua tog neeg.

Nyob rau lub sij hawm ntawm tus txheej txheem tso nyob ua ke, lub koom haum saib xyuas kev koom neej ua ke yuav tsum siv cov kev coj ua ntawm tib neeg los txhim kho qhov kev npaj uas muaj zog, yoog raws tus neeg los txhawb nqa tus neeg ntawd thiab tus neeg kheej/tsev neeg tib si. Yog xav paub ntxiv, ces saib CBSM – Cov kev coj ua yoog raws tus neeg.

Hauv qee qhov xwm txheej, cov txheej txheem kev tso nyob ua ke tsis muaj qhov tsim nyog. Yog tias txhua tog neeg twb yeej sib paub lawm thiab pom zoo tias lawv sib haum zoo, ces lub koom haum coj ua tsis tas yuav tso cai rau tus txheej txheem kev tso nyob ua ke.

Tom qab qhov kev tso nyob ua ke, lub koom haum saib xyuas kev koom neej ua ke yuav:

· Pab ua kom tus neeg ntawd thiab lawv pab pawg nkag siab txog cov lus pom zoo xauj tsev.

· Ua haujlwm nrog tus neeg ntawd thiab tus neeg kheej/tsev neeg ntawd los tsim thiab pab txhawb txhua qhov kev pom zoo uas xav tau kom muaj qhov kev npaj txog kev ua neej nyob yam tau txais txiaj ntsig zoo (piv txwv li, Chaw nyob sib koom, kev nkag mus rau tus kheej cov khoom, kev thauj mus los thiab cov luag haujlwm raws kev cog lus raws li qhov tham haum ntawm tus neeg kheej/tsev neeg thiab lub koom haum saib xyuas kev koom neej ua ke).

· Pab tus neeg ntawd nrhiav cov peev txheej los mus rhais chaw rau lawv cov khoom ntiag tug, yog tias tsim nyog.

Rau cov lus qhia txog qhov uas lub koom haum coj ua yuav tsum tso cai li cas rau ntu sij hawm no, saib kev cob qhia tsev neeg thiab kev tawm tswv yim tso cai rau kev tso nyob ua ke thiab kev npaj tshooj tsiv tsev.

Kev txhawb nqa tsis tu ncua los ntawm lub koom haum saib xyuas kev koom neej ua ke

Lub koom haum saib xyuas kev koom neej ua ke yuav tsum muab kev txhawb nqa tsis tu ncua rau tus neeg ntawd thiab tus neeg kheej/tsev neeg. Txhua fab ntawm Xeev Minnesota Txoj Cai §245D.081 siv rau cov kev npaj txog kev koom neej ua ke.

Tus neeg kheej/tsev neeg cog lus nrog lub koom haum saib xyuas kev koom neej ua ke kom muaj kev txhawb nqa thiab kev saib xyuas uas yog ntawm tus neeg uas tau txais cov kev pab cuam. Cov kev txhawb nqa no kuj yuav xam muaj:

· Pab lis haujlwm kev pab cuam thiab kev ntsuam xyuas.

· Pab kom ua tiav cov txiaj ntsig hauv tus neeg ntawd qhov kev npaj txhawb nqa.

· Kev tswj hwm thiab kev saib xyuas phiaj xwm, uas xam muaj kev ntsuas qhov zoo thiab kev txhim kho rau cov kev pab cuam uas tus neeg kheej/tsev neeg muab.

· Kev qhia thiab kev pab raws li tus neeg kheej/tsev neeg ua raws li tus neeg ntawd qhov kev npaj txhawb nqa, uas xam muaj kev soj saib ncaj nraim ntawm kev muab cov kev pab cuam.

· Kev ntsuas kev ua tau zoo ntawm cov kev pab cuam, cov txheej txheem thiab kev nce qib ntawm tus neeg tau txais txiaj ntsig, raws li cov txheej txheem ntsuas tau thiab pom tau los txheeb xyuas thaum tus neeg ntawd ua tiav cov txiaj ntsig uas xav tau.

· Kev txhawb nqa kom ntseeg tau tias txhua tus neeg muab kev pab cuam ncaj nraim ua tiav kev cob qhia txog kev taw qhia thiab kev cob qhia txhua xyoo rau cov neeg ua haujlwm ntawm 245D.

· Kev lis haujlwm thiab kev xa mus ntxiv rau kev cuam tshuam txog tus cwj pwm zoo.

· Kev lis haujlwm ntawm kev txhawb nqa faj seeb, thaum tsim nyog.

· Kev npaj xwm rau txheej ceev.

· Cov ntaub ntawv txhua hnub.

· Kev txhawb nqa rau kev tswj hwm tshuaj kho mob.

· Kev txhawb nqa rau kev siv cov kev coj ua raws tus neeg.

· Kev piav qhia txog cov cai thiab cov kev feem xyuam.

Ntawm cov lus qhia txog qhov lub koom haum coj ua yuav tsum tso cai li cas nyob rau ntu sij hawm no, ces saib kev tso cai ntawm cov kev pab cuam chaw nyob nrog tsev neeg rau kev txhawb nqa tsis tu ncua los ntawm lub koom haum saib xyuas kev koom neej ua ke.

Kev txhawb nqa los ntawm tus neeg kheej/tsev neeg

Tus neeg kheej/tsev neeg uas koom lawv lub tsev:

· Qhia kev sib txheeb thiab kev pab uas tus neeg ntawd kom tau ntsib yam tshiab uas tau txheeb pom hauv lawv qhov kev npaj txhawb nqa thiab qhov tseem ceeb txog thiab rau lawv

· Muab kev txhawb nqa uas pab tus neeg ntawd kom tsis muaj mob thiab nyob nyab xeeb (piv txwv li, kKev mus ntsib kws kho mob raws kev teem caij)

· Kev xa cov kev pab cuam raws li tau teev tseg ntawm CBSM – Kev tu neeg loj, CBSM - Cov kev pab cuam hauv tsev neeg lossis CBSM – Kev nyob hauv tsev – SLS hauv qhov chaw tswj tuav kws kho mob

· Muab kev thauj mus los lossis kev txhawb nqa siv kev thauj mus ntawm tsoom fwv, yog tias tsim nyog.

Txog ntawm cov lus qhia txog qhov lub koom haum ua thawj coj yuav tsum tso cai li cas rau ntu sij hawm no, ces saib kev tso cai cov kev pab cuam hauv tsev neeg rau qhov kev txhawb nqa los ntawm tshooj uas hais txog tus neeg kheej/tsev neeg.

Kev koom neej ua ke tau txais kev tso cai li cas?

Lub koom haum coj ua tuaj yeem tso cai rau txhua ntu sij hawm ntawm kev koom neej ua ke ntawm tus neeg tau txais kev pom zoo raws li hauv qab no:

· Kev tso nyob ua ke thiab kev npaj qhov kev tsiv chaw: Kev cob qhia thiab kev pab tswv yim rau tsev neeg, txog li 50 teev (200 units); saib kev tso nyob ua ke thiab kev npaj tshooj hais txog kev tsiv chaw.

· Kev txhawb nqa tsis tu ncua los ntawm lub koom haum saib xyuas kev koom neej ua ke nyob: Ib qhov feem pua ​​​​ntawm tus nqi rau cov kev pab cuam chaw nyob nrog tsev neeg, feem ntau yog 6-12 xuab moos ntawm kev txhawb nqa nyob rau ib lub hlis; saib kev txhawb nqa tsis tu ncua los ntawm lub koom haum saib xyuas kev koom neej ua ke.

· Kev txhawb nqa los ntawm tus neeg kheej/tsev neeg: Cov kev pab cuam chaw nyob nrog tsev neeg uas nyob rau hauv qhov kev tswj tuav kws kho mob; saib kev txhawb nqa los ntawm tshooj ntawv hais txog tus neeg kheej/tsev neeg.

Cov Kev Pab Cuam Ncua Ntev thiab Cov Tswj Ciam Nqi Pab Cuam Txog Cov Kev Txhawb Nqa, DHS-3945 (PDF) xam muaj cov nqi thiab cov cim rau lub ntu sij hawm tso nyob koom neej ua ke thiab cov kev pab cuam chaw nyob nrog tsev neeg koom neej ua ke. Saib DHS-3945 rau cov cim hauv qab no:

· Kev Cob Qhia Tsev Neeg, Kev Koom Neej Ua Ke, Tso Nyob Ua Ke (S5110 U2).

· Cov Kev Pab Cuam Chaw Nyob Nrog Tsev Neeg, Kev Koom Neej Ua Ke Txhua Hnub (S5140 UC U2).

Lub koom haum coj ua tuaj yeem tso cai rau lwm cov kev pabcuam rau tus neeg ntawd, raws li qhov tsim nyog (xws li, kev pab txhawb nqa zoo, tso tseg, kev pab cuam rau kev ua haujlwm).

Kev cob qhia tsev neeg thiab kev tso cai pab tswv yim rau kev tso nyob ua ke thiab kev npaj qhov kev tsiv tsev

Lub koom haum coj ua tso cai rau cov kev pab cuam txog kev tso nyob ua ke los ntawm lub koom haum saib xyuas kev koom neej ua ke raws kev cob qhia thiab kev sag laj rau tsev neeg.

Lub ncua sij hawm ntawm kev tso nyob ua ke yog nyob ntawm qhov xwm txheej tshwj xeeb. Feem ntau yuav siv sij hawm li 3-6 lub hli rau cov neeg tsim kev sib paub, raws li lwm lub xeev uas tso cai them nyiaj rau tus txheej txheem kev tso nyob ua ke uas zoo sib thooj. Ntu sij hawm ntawm kev tso nyob ua ke feem ntau yog 50 xuab moob (200 qhov). Cov kev pab cuam txog kev cob qhia thiab kev pab tswv yim rau tsev neeg raug muab tswj ciam rau qhov siab tshaj plaws yog 500 qhov uas ntev li 15 feeb nyob rau ib xyoos.

Kev cob qhia thiab kev pab tswv yim rau tsev neeg yog ib qho kev pab cuam raws nqi kiab khw. Cov nqi rau qhov kev pab cuam no yuav tsum muaj kev cuam tshuam txog cov nqi kiab khw thiab kev coj qhia saum CBSM – Cov kev pab cuam raws nqi kiab khw. Txhawm rau tso cai rau qhov kev pabcuam no, lub koom haum ua coj ua yuav tsum ua raws li cov lus qhia saum CBSM – Kev cob qhia thiab kev pab tswv yim rau tsev neeg.

Lub koom haum coj ua kuj tuaj yeem tso cai rau muaj kev cob qhia thiab kev pab tswv yim rau tsev neeg los mus pab tso cov neeg uas xaiv ib qhov xwm txheej ua neej nyob sib txawv. Yog xav paub ntau ntxiv, mus saib tshooj ntawv hais txog lwm yam kev txhawb nqa tsis tu ncua thiab cov kev xaiv vaj tsev.

Kev tso cai rau muaj cov kev pab cuam chaw nyob nrog tsev neeg rau kev txhawb nqa tsis tu ncua los ntawm lub koom haum saib xyuas kev koom neej ua ke

Lub koom haum coj ua tso cai rau muaj kev txhawb nqa tsis tu ncua los ntawm lub koom haum saib xyuas kev koom neej ua ke raws cov kev pab cuam chaw nyob nrog tsev neeg.

Feem ntau, lub koom haum saib xyuas kev koom neej ua ke muab sij hawm 6-12 xuab moos ntawm kev txhawb nqa hauv ib lub hlis, nce raws tus neeg cov kev xav tau uas tau txheeb xyuas. Nyob rau lub sij hawm muaj kev hloov pauv xub thawj (xws li, 1-6 lub hlis), qhov kev txhawb nqa no kuj yuav siab dua kom ntseeg tau tias tus neeg muaj kev hloov pauv tiav hlo. Lub koom haum coj ua yuav tsum soj ntsuam cov kev pab cuam no. Thaum cov kev xav tau ntawm kev txhawb nqa muaj qhov hloov pauv, tus neeg kheej/tsev neeg tuaj yeem tham rau kom tau txais kev txhawb nqa ntau dua lossis tsawg dua los ntawm lub koom haum saib xyuas kev koom neej ua ke.

Kev tso cai rau muaj kev pab cuam chaw nyob nrog tsev neeg txhawm rau kev txhawb nqa los ntawm tus neeg kheej/tsev neeg

Lub koom haum coj ua tso cai rau muaj kev txhawb nqa los ntawm tus neeg kheej/tsev neeg raws cov kev pab cuam chaw nyob nrog tsev neeg. Lub koom haum saib xyuas kev koom neej ua ke tau txais tag nrho tsev neeg cov kev pab cuam chaw nyob nrog tsev neeg. Tom qab ntawd, lub koom haum saib xyuas kev koom neej ua ke khaws ib feem ntawm tus nqi rau kev txhawb nqa tsis tu ncua uas nws muab (raws li kev sib tham nrog tus neeg kheej/tsev neeg) thiab faib cov nyiaj tshuav rau tus neeg kheej/tsev neeg rau qhov kev txhawb nqa uas lawv muab.

Txhua tus neeg koom nrog hauv qhov kev npaj txog kev koom neej ua ke nyob yuav tsum ua raws li Kab Kev Ntawm Tus Nqi Zam Pub Rau Kev Xiam Oob Qhab (Disability Waiver Rate System, DWRS) cov cai, uas xam muaj:

· Cov ntawv saib xyuas raws tus nqi, DHS-6790 (PDF).

· Phau Ntawv Qhia Tus Neeg Siv Txog Kab Kev Saib Xyuas Raws Tus Nqi (Rate Management System, RMS) – Cov kev pab cuam chaw nyob nrog tsev neeg: Cov lus qhia ceev ceev ntawm cov cai kev lag luam rau cov neeg ua haujlwm saib xyuas chaw nyob.
(NCO TSEG: Cov kev taw qhia ntsig txog kev siv neeg ua haujlwm hmo ntuj uas tsaug zog hauv txoj cai 7 yuav tsis siv rau kev kev koom neej ua ke).

Lub koom haum coj ua nkag mus rau cov xov xwm no hauv RMS hauv qhov Kev Npaj Txhawb Nqa MnCHOICES los mus xam tus nqi txhua hnub. Lub koom haum coj ua yuav tsum ua raws li cov txheej txheem hais txog CBSM – Kev tu neeg loj, CBSM - Cov kev pab cuam chaw nyob nrog tsev neeg lossis CBSM – Kev nyob hauv tsev – SLS nyob rau hauv qhov kev tswj tuav kws kho mob.

Kev xaiv thiab kev cog lus nrog lub koom haum saib xyuas kev koom neej ua ke

Tus tib neeg kheej/tsev neeg xaiv lub koom haum saib xyuas kev koom neej ua ke los muab kev txhawb nqa thiab kev pab kom ntseeg tau tias tus neeg ntawd qhov kev npaj txhawb nqa raug saib xyuas zoo thiab ua tau raws li qhov yog. Tus neeg kheej/tsev neeg yuav cov kev pab cuam los ntawm lub koom haum saib xyuas kev koom neej ua ke nrog cov nyiaj raws cov kev pab cuam chaw nyob nrog tsev neeg.

Tus neeg kheej/tsev neeg yuav tsum tsim kom muaj kev pom zoo nrog lub koom haum saib xyuas kev koom neej ua ke. DHS pom zoo kom sab laj nrog kws lij choj thaum tsim daim ntawv pom zoo. Cov ntsiab lus ntawm daim ntawv pom zoo no tuaj yeem xam muaj xws li:

· Kev txhawb nqa faj seeb uas tau npaj rau tus neeg kheej/tsev neeg uas muab cov kev pab cuam.

· Qhov kev txhawb nqa kom ntseeg tau tias muaj cov qauv ntawv tso cai tsim nyog rau lub tsev, raws li cov lus qhia rau haiv neeg me ntawm lub nroog/pawg neeg me.

· Muaj kev cob qhia thiab kev txhawb nqa ntxiv ntsig txog cov kev xav tau ntawm tus neeg uas tau txais cov kev pab cuam.

· Cov lus qhia meej meej txog tus txheej txheem them nyiaj thiab cov nyiaj, uas xam muaj kev them nyiaj rau lub koom haum saib xyuas kev koom neej ua ke thiab cov nyiaj txiav tawm ntawm cov se nyiaj hli thiab cov txiaj ntsig pab.

· Cov ntaub ntawv ntawm tus neeg kheej/ tsev neeg tus tswv tsev txaus lossis tus neeg xauj tsev qhov insurance thiab insurance tsheb.

· Cov ntaub ntawv uas lub koom haum saib xyuas kev koom neej ua ke yuav muab cov kev pab them nqi kho mob rau tus neeg kheej/tsev neeg.

· Cov ntaub ntawv uas tus neeg kheej/tsev neeg yuav khaws daim ntawv suav pej xeem txhua hnub los qhia seb tus neeg no puas nyob hauv tsev thiab muab cov xov xwm ntawd rau lub koom haum saib xyuas kev koom neej ua ke.

· Kev txiav txim siab tias tus neeg kheej/tsev neeg yuav tsum tau tsim LLC rau lawv daim ntawv tso cai, yog tias tsim nyog.

· Kev txiav txim siab txog lwm yam kev cuam tshuam txog se.

Tsab ntawv pom zoo txog kev koom neej ua ke pib thaum tus neeg tsiv mus rau hauv lub tsev ntawd.

Lwm cov kev xaiv txog txhawb nqa tsis tu ncua thiab vaj tsev tom qab tiav tus txheej txheem kev tso nyob ua ke

Cov txheej txheem kev tso nyob ua ke tuaj yeem pab tau rau cov neeg uas xaiv ntau yam ntawm kv npaj txog kev ua neej nyob (xws li, tsis yog cov kev npaj txog kev koom neej ua ke xwb). Lub koom haum ua thawj coj tuaj yeem tso cai rau cov txheej txheem kev tso nyob ua ke los ntawm kev cob qhia thiab kev pab tswv yim rau tsev neeg rau cov neeg xav tau kev txhawb nqa los mus nrhiav ib tus neeg koom chav lossis tus neeg pab saib xyuas. Qhov no xam muaj cov neeg uas xav nyob hauv lawv lub tsev, siv cov kev pab them nqi saib xyuas lossis nyob hauv qhov chaw pab saib xyuas ntawm tsev neeg.

Muaj tsev

Ib tug neeg tuaj yeem siv cov txheej txheem kev tso nyob ua ke los mus nrhiav tus neeg koom chav nyob rau lawv lub tsev. Ib tug neeg lub tsev yog ib ib lub ntawm tsev neeg nyob ib yig lossis hauv ib lub tsev uas muaj ntau yim neeg nyob (piv txwv li, tTsev kem chav) nyob qhov twg ib tug neeg nyob, thiab tus neeg los yog lawv tsev neeg muaj/xauj thiab ceev kev tswj ntawm ib tug neeg chav tsev, ua qauv qhia los ntawm daim ntawv cog lus xauj tsev (yog tias tsim nyog). Qhov no txhais tau hais tias tus neeg saib xyuas tsis yog tus tswv, tus khiav haujlwm lossis xauj lub tsev/tsev kem chav lossis muaj nyiaj paj ncaj nraim lossis tsis ncaj nraim rau tus neeg ntawd lub tsev. Yog xav paub ntau ntxiv txog txoj cai no, mus saib CBSM – Cov kev cai rau ib tus neeg lub tsev.

Cov nuj nqi kev ua neej nyob ntawm tus neeg saib xyuas

Ib tug neeg twg tuaj yeem siv cov txheej txheem kev tso nyob ua ke los mus nrhiav tus neeg saib xyuas uas nyob rau hauv uas muab kev txhawb nqa txuas ntxiv mus raws cov nuj nqi kev ua meej nyob ntawm tus neeg saib xyuas. Qhov kev pab cuam txog cov nuj nqi kev ua neej nyob rau tus neeg saib xyuas pab nyiaj them nqi rau qee cov nuj nqi uas tshwm sim los ntawm tus neeg saib xyuas uas tsis sib txheeb uas nyob hauv tib tsev neeg uas muaj hnub nyoog 18 xyoo lossis siab dua uas tau txais kev pab cuam zam pub yog tias tus neeg saib xyuas muab kev pab cuam raws kev pom zoo. Yog xav paub ntau ntxiv txog qhov kev pab cuam no, ces mus saib CBSM – Cov nuj nqi kev ua neej nyob rau tus neeg saib xyuas.

Kev pab saib xyuas ntawm tsev neeg

Ib tug neeg twg tuaj yeem siv tus txheej txheem tso nyob ua kev los mus nrhiav tus neeg pab saib xyuas ntawm tsev neeg. Tsev neeg tu vaj tu tsev yog ib qho kev npaj uas ib tug neeg kheej/tsev neeg muaj los yog xauj tsev, nyob hauv tsev thiab muaj daim ntawv tso cai rau lub tsev los ntawm lub nroog/haiv neeg me. Tus neeg kheej/tsev neeg yog tus kws kho mob ntawm MHCP uas tso npe nkag uas muaj daim ntawv tso cai 245D los mus muab kev pab cuam chaw nyob nrog tsev neeg. Kev saib xyuas ntawm tsev neeg tuaj yeem xam muaj txog li plaub cov neeg loj uas tsis muaj feem cuam tshuam tau txais kev txhawb nqa los ntawm tus pab saib xyuas ntawm tsev neeg. Yog xav paub ntau ntxiv, ces mus saib CBSM – Kev tu neeg loj thiab CBSM – Cov kev pab cuam chaw nyob nrog tsev neeg.

Cov piv txwv ntawm cov kev npaj txog kev koom neej ua ke

CBSM – Cov xwm txheej hais txog kev koom neej ua ke muab cov piv txwv ntawm qhov kev npaj txog kev koom neej ua ke nyob li cas tuaj yeem ua haujlwm thiab yuav ua li cas xav tau hauv cov txheej txheem npaj. Cov xov xwm no tuaj yeem pab tau rau cov neeg xiam oob khab, tsev neeg, cov neeg saib xyuas case thiab cov neeg saib xyuas.

Cov peev txheej ntxiv

The Arc of Minnesota – Housing access services
CBSM – Cov peev txheej vaj tse
CBSM – Cov xwm txheej hais txog kev koom neej ua ke
CBSM – Kuv Cov Lus Phua Ntsiab Txog Qhov Kev Npaj Tshem Chaw
CBSM – Kev Xaiv Uas Yoog Raws Tus Neeg, Qhia Paub thiab Txoj Cai Hloov Pauv
CBSM – Cov kev pab cuam hloov pauv (BI, CAC, CADI, DD)
CBSM – Kev zam pub/nyiaj them rov qab ntawm AC rau tej yam uas ntsia tsis pom ua ntej
Kev txhawb nqa txog kev tso nyob ua ke – Michael Smull (yeeb yaj kiab)
Thawj Kav Tswj Rooj Tsav Xwm Saib Xyuas Kev Noj Qab Nyob Zoo – Cov npe kws kho mob
Phau Ntawv Qhia Txog Phiaj Xwm Minnesota Hais Txog Kev Tsiv Tsev
Cov ntawv saib xyuas raws tus nqi, DHS-6790 (PDF)
Phau Ntawv Qhia Rau Tus Neeg Siv RMS – Cov kev pab cuam chaw nyob nrog tsev neeg: Cov lus qhia ceev ceev ntawm cov cai kev lag luam rau cov neeg ua haujlwm saib xyuas chaw nyob
Kev tso neeg koom chav nyob – Derrick Dufresne (video)